Shor karna humain be-wajh nahiN aagaya hai
Koi Khanjar rag e gardan ke qareeN aagaya hai
Ko ba koo said chale aate hain gardan daalay
Shahr mein kaun shikari sar e zeeN aagaya hai
Aur kijiyee hunar e khush badanaaN ki taareef
Woh badan aag lagaane ko yahiN aagaya hai
Dil e barbaad zamaane se alag hai shayed
Saara aalam to tere zer e nageeN aagaya hai
Unke nazdeek yeh saari sukhan aaraayi thi
Tujh ko dekha hai to logon ko yaqeeN aagaya hai
Ab kisi Kheema e gah-naaz mein jaate nahi hum
beech mein kab se koi khaanaa nasheeN aagaya hai
(Irfan Siddiqi)
0 Comments